الفرق بين الأنواع المختلفة من الريفيوهات العلمية
أهلا بك صديقي الباحث في مقال جديد و مهم جدا هتتعلم فيه بكل بساطة الفرق بين الأنواع المختلفة من الريفيوهات العلمية.
في ٣ أنواع هنتكلم عنهم زي اللي في الصوره تحت دول 👇
أولًا: ال Narrative review و ساعات بيقولو عليه ال literture review و ده بكل بساطة ريفيو مقالي وصفي بتجمع فيه مجموعة من الدراسات و تلخصهم و تتكلم عنهم و تنتقدهم.
النوع التاني: ال systematic review و خليني اكتبلك النطق بتاعه بالعربي علشان في ناس بتنطقه غلط "سيس تي ماتك". يعني ممنهج، يعني ريفيو زي الأول و لكن يتبع منهج محدد تم تحديده بشكل مسبق، او بمعني اخر، لابد من اتباع مجموعة من الخطوات لكتابة الريفيو ده.
الصورة ديه فيها ملخص بسيط للخطوات 👇
عايز اركز هنا علي نقطة بسيطة، و هي ان الريفيو الأول مفيهوش ميثودولوجي أو خطوات انما بيتم كتابه المحتوي بشكل مباشر، انما الريفيو ده لازم تكتب كل خطوة عملت فيها ايه. يبقي لو عايزين نفرق بينه و بين الريفيو الأول نبص علي جزء الميثودولوجي.
النوع التالت: ال meta analysis و ده نفس خطوات السيستيماتك ريفيو و لكن بيكون فيها جزء احصائي متعلق بالأرقام و اتجاه التأثير. يعني الفرق بينه و بين السيستيماتك هو ان ده فيه أرقام و تحليلات إحصائية، و اللي أهمها الرسمه اللي تحت ديه و اللي اسمها ال forest plot.
خلاصة المقال:
- ال literature review هو ريفيو وصفي بدون خطوات مسبقة.
- ال systematic review هو ريفيو أيضا وصفي ولكن بخطوات مسبقة تم الاتفاق عليها عالميا.
- ال meta analysis هو سيستمياتك ريفيو و لكن ملحق به بعض التحليلات الإحصائية زي ال forest plot و هكذا.
عايز تتعلم كتابتهم خطوة بخطوة، هتلاقي سلسلة كاملة علي القناه بشرح فيها المحتوي كامل: قناة محمد النجار على يوتيوب
عايز تتفرج علي دورات تدريبية مفصلة عن الموضوع شوف الرابط ده 👇
عايز نساعدك في خطوة من خطوات الريفيو، ممكن تبعتلنا علي الواتس هنا.